كيف تخسر وزنك بالصيام المتقطع - بسرعه وامان

فقدان الوزن بالصيام المتقطع

كيف تخسر وزنك بالصيام المتقطع - بسرعه وامان 

الصيام المتقطع وفقدان الوزن

                                               كيف تخسر وزنك بالصيام المتقطع

                                                            اولا التعريف بالصيام المتقطع

• ايه هو الصيام المتقطع وازاى اعمله ليه شكل معين وعدد ساعات معينه ولا هى طريقه واحده ،ومين اللى مينفعش يعمله ؟؟ 

اول حاجه خلينا نقول ان الصيام المتقطع مش نظام دايت يعنى مش هقولك فيه كل كذا وما تاكلش كذا وكل كمية كالورى معينه ،لا هو مش كده وانما هو طريقه لتنظيم الوقت اللى بتاكل فيه وبقيت الوقت بتبقى صائم
‌صائم عن ايه ؟؟صايم عن كل حاجه فيها كالورى (اكل ،عصاير فيها كالورى ،مكملات )،كل اللى مسموحلك فى وقت الصيام هو المايه اشرب مايه براحتك عادى جدا وكمان مسموحلك الشاى الاخضر والقهوه بس يكونوا منغير سكر .

                                                  ثانيا طرق الصيام المتقطع ومدته

‌                    طيب هصوم اد ايه فى اكتر من طريقه .

• اول حاجه انك تصوم فى اليوم 16 ساعه وتفطر 8 .

_       تانى حاجه بتصوم 20 ساعه وتفطر 4 بس .

_تالت حاجه واللى اصعب شويه هو انك بتصوم 24 ساعه يعنى يوم كامل ،وبتعمل كده مرتين فى الاسبوع وبقيت ايام الاسبوع بتكون فطار عادى ،طبعا بتاكل فيها كمية الكالورى اللى بتاكلها فى الدايت بتاعك عادى ،ومبيفرقش اليومين دول ايه ،بس طبعا مينفعش اليومين دول يكونوا ورى بعض اكيد مش هتصوم 48 ساعه لازم يكون فيه فاصل بينهم.


_رابع طريقه واللى شبه شويه الطريقه التالته برضوا بتصوم يومين فى الأسبوع كاملين بس الفرق هنا ان فى ايام الصيام بدال ما مبتاكلش حاجه خالص لا هنا بتاكل من 500 ل 600 سعر ،وطبعا بقيت الايام بتاكل سعرات الدايت بتاعك وطبعا برضوا مبيكونوش ورى بعض لازم ايام فاصله.


طيب ايه احسن طريقه فيهم ،مفيش احسن طريقه ،الطريقه الاحسن هى المناسبه بالنسبالك ،انت بتجرب الطريقه اللى تحس انك تقدر تعملها وتشوف مناسبه معاك وقادر تتعايش معاها ومش تعباك ،لو كده كمل ،لو لقيتها تعباك ومش قادر وجربتها لمدة شهر كامل ،خلاص غير وجرب طريقه غيرها وهكذا لحد ما تلاقى الطريقه المناسبه بالنسبه ليك ،او ولا طريقه فيهم تكون مناسبه ليك وبكده يكون الصيام المتقطع مش مناسب لجسمك فتبطله.

                  طيب هو الصيام ليه مفيد؟؟؟؟؟؟؟؟؟؟؟


1_اول حاجه انه بيقلل كمية الانسولين ،وكل ما الانسولين قل كل ما كمية الدهون اللى جسمك بيخزنها بتكون اقل فجسمك بيحرق فى الدهون اللى اصلا موجوده فيه فتنزل فى الدهون


2_تانى حاجه انه بيزود ال GH هرمون النمو وده لما بيكون عالى بيساعد على زيادة عضلاتك وطبعا زيادة العضلات بتؤدى لزيادة الحرق.


3_تالت حاجه انه بيقلل كمية السكر فى الدم فبالتالى هو كويس جدا لمرضى السكر لو استفادتوا بحاجه اكتبولى فى كومنت عرفونى ⁦.

بتمنى ليكوا صحه كويسه ⁦ونتقابل فى موضوع تانى مفيد ان شاء الله .